དེ་ཡང་གསལ་བཤད་ཅུང་ཙམ་ཞུ་འདོད་པ་ནི། ལྷག་བསམ་ཅན་གྱི་ཚོགས་གཙོ་དགེ་བཤེས་འབྱོར་མཆོག་ལགས་ནས་ཚོགས་པ་འདིའི་ནང་ཟབ་དོན་དབུ་མའི་སྐོར་ལ་བགྲོ་གླེང་སྣེ་ཁྲིད་པ་བྱེད་དགོས་ཞེས་བཀའ་ཕེབས་པ་དང་ཉིན་ཤས་སྔོན་ལ་ནང་ཆོས་དང་ཚན་རིག་གླེང་སྟེགས་ཞེས་པའི་ཚོགས་པ་ཆེན་པོ་འདིའི་ནང་མཁས་དབང་འགའ་ཞིག་གིས་ཀུན་མཁྱེན་གོ་རམས་པ་ཆེན་པོས་རྗེ་བླ་མར་དགག་པ་མཛད་པ་དེ་ལ་ལན་རྣམ་དག་ཅིག་མེད་པའི་གཏམ་མང་པོ་ཞིག་སྨྲ་བཞིན་འདུག་པས་དེ་ལ་དགག་ལན་གྱི་ཚུལ་དུ་གོ་རམས་པས་རྗེ་བླ་མར་དགག་པ་མཛད་པ་རྣམས་ལ་ལན་ཇི་ལྟར་འདེབས་པའི་ཚུལ་དང་མ་ཟད་རྗེ་བླ་མའི་ལྟ་བའི་ལེགས་བཤད་ཆེན་མོ་ལྔ་རུ་གསུངས་པའི་དབུ་མའི་ཟབ་གནད་རྣམས་ཀླུ་སྒྲུབ་ཡབ་སྲས་ཀྱི་དགོངས་པར་འགྲོ་ཚུལ་སོགས་ལུང་རིགས་གཉིས་ཀྱི་སྒོ་ནས་བརྒལ་ལན་གསལ་བའི་མེ་ལོང་འདི་བྲིས་ཁུལ་བྱས་པ་ལགས། དགའ་ལྡན་དགོན་གྱི་གྲྭ་རིགས་པ་སྨྲ་བ་གྲགས་པ་འཕྲིན་ལས་སམ།འབྲོག་ཕྲུག་ནས། ༢༠༢༢་༩་༢༨་གཟའ་ལྷག་པ་ཉིན་སྤེལ་བ་དགེའོ། །
བཀུར་འོས་ལྷན་རྒྱས་རྣམ་པ་ལ་ཞུ་རྒྱུར་སྐུ་ཉིད་ལ་བོད་ཀྱི་བརྡ་སྤྲོད་སུམ་རྟགས་དག་གསུམ་དང་འབྲེལ་བའི་དཔྱད་རྩོམ་དང་དཔེར་བརྗོད་སོགས་གཞན་ལ་ཁྱབ་སྤེལ་དགོས་ངེས་ཅན་ཡིན་ཚེ་ང་ཚོ་ལ་གནང་བ་ཞུ། རིང་མིན་<<བོད་ཀྱི་བརྡ་སྤྲོད་ཀུན་བཏུས་ཕྱོགས་བསྒྲིགས་>>དེབ་ཕྲེང་གང་མང་ཞིག་འཕྲུལ་དེབ་བཟོ་ནས་རིན་མེད་ཐོག་སྤེལ་འཆར་བཅས། དོ་བདག་རང་ཉིད་ཀྱིས་ཞུས་དག་འཐུས་ཚང་གནང་སྐྱོང་ཡོང་བ་ཞུ། གློག་འཕྲིན་ཁ་བྱང་། Email address: sciencemeetsbuddhism@gmail.com ཡང་ན།jorchok@yahoo.co.inའདིས་ཐོག་བསྐུར་གནང་རོགས། ནང་ཆོས་དང་ཚན་རིག་ཚོགས་པའི་ཚོགས་གཙོ་དགེ་བཤེས་འབྱོར་མཆོག་གིས། ༢༠༢༠ཟླ་༡༠ཚེས་༢༠ཉིན་ལ། །
དྲི་བ། ཁྱེད་ཀྱིས་ནང་ཆོས་དང་ཚན་རིག་དབར་གྱི་འབྲེལ་ལམ་ཐོག་བཀའ་སློབ་མང་ཙམ་དང་། དེ་གཉིས་ཐུན་མོང་དུ་མཉམ་སྤྱོད་བྱེད་པའི་དམིགས་བསལ་གྱི་དཔེ་མཚོན་འགའ་ཞིག་གསུང་རོགས་གནང་།
༡)རྟེལ་འབྲེལ་ཞུ་བའི་ཤིས་ཚིག
ནང་ཆོས་དང་ཚན་རིག་གླེང་སྟེགས་ནས་ཁྱབ་སྤེལ། བོད་ཀྱི་སྐད་རིག་དང་གནའ་དེང་ཤེས་རིག་ཀུན་ལ་དུང་བ་ཟབ་པའི་དོན་གཉེར་ཅན་ལྷན་རྒྱས་ལ། ཆེད་ཞུ། སྐད་བཞི་དང་འབྲེལ་བའི་བརྗོད་པ་ཕན་ཚུན་མཚུངས་བསྡུར་གསེར་གྱི་ཟམ་པ་ཞེས་བྱ་བའི་དཔེ་དེབ་གསར་པ། རྩོམ་པ་པོ། རྭ་སྟོད་མཁན་ཟུར་ཚུལ་ཁྲིམས་ཕུན་ཚོགས། དེབ་འདིའི་ནང་སཾ་སྐད་དང་། ཧིན་སྐད། བོད་སྐད། ཨིན་སྐད་བཅས་བཞི་སྦྲགས་མ་དེ་ནི། དེང་དུས་སྐད་རིགས་ཕན་ཚུན་སྒྱུར་རེས་བྱེད་པ་སོགས་དང་ཤིན་ཏུ་འབྲེལ་བ་ཆེ་ཞིང་། དེར་ཕན་པའི་རྩོམ་འགྲོས་གསར་པ་ཅན་གྱི་དཔེ་དེབ་གསར་པའི་སྐོར་ནང་ཆོས་དང་ཚན་རིག་གླེང་སྟེགས་སུ་གསུང་བཤད་ངོ་སྤྲོད་ཞུས་པ་དྲ་ཐག་འདི་ཐོག་ནས་ https://t.me/scienceandbuddhism གསན་ཐུབ་པ་དང་། དོན་གཉེར་ཅན་རྣམས་ནས་དེབ་གསར་འདི་ནས་རིན་མེད་ཐོག་གཟིགས་ཐུབ། དུས་ཚོད། ༢༠༢༤ཟླ་༧་ཚེས་༦། རེས་གཟའ། སྤེན་པ། རྒྱ་གར་དུས་ཚོད།…
དབང་རྩ་ཕྲ་གཟུགས་རྣམས་ནི་ཀླད་པ་དང་རྒྱུངས་པ། མཐའ་འཁོར་དབང་རྩ་བཅས་ཚུད་པའི་དབང་རྩ་མ་ལག་གི་གྲུབ་ཆའི་རྩིག་རྨང་ལྟ་བུ་ཡིན་ལ། དེ་དག་ནི་གློག་དང་རྫས་ཀྱི་བརྡ་འཕྲིན་བརྒྱུད་ནས་བརྡ་འཕྲིན་གཏོང་ལེན་བྱེད་མཁན་གྱི་ཆེད་ལས་ཅན་གྱི་ཕྲ་ཕུང་ཡིན། དབང་རྩ་ཕྲ་གཟུགས་རྣམས་ནི་དབང་རྩ་མ་ལག་གི་ཕོ་ཉ་ལྟ་བུར་བསམ་ཆོག་དེ་དག་གིས་ལུས་ཀྱི་ཆ་ཤས་མི་འདྲ་བ་རྣམས་ཕན་ཚུན་ལ་བརྡ་འཕྲིན་གཏོང་ལེན་བྱེད་དུ་འཇུག་གི་ཡོད། འདིར་དབང་རྩ་ཕྲ་གཟུགས་ཤིག་གི་ཆ་ཤས་རྣམས་གོ་བདེ་པོར་དབྱེ་བ་ཕྱེ་ནས་བལྟ་ན། ཕྲ་ཕུང་ལུས་ནི། དབང་རྩ་ཕྲ་གཟུགས་ཀྱི་ཆ་ཤས་གཙོ་བོ་ཞིག་ཡིན། དེར་ལྟེ་ཉིང་དང་དེ་མིན་གྱི་གནད་ཆེ་བའི་དབང་ཕྲ་རྣམས་ཚུད་ཡོད། ཕྲ་ཕུང་ལུས་ཀྱིས་དབང་རྩ་ཕྲ་གཟུགས་གཞན་དག་ནས་ཡོང་བའི་བརྡ་འཕྲིན་རྣམས་བསྡུ་སྒྲིག་བྱེད། བརྡ་ལེན་རྩ་ཕྲན། དེ་དག་ནི་ཕྲ་ཕུང་ལུས་ནས་མཆེད་པའི་ཡལ་ག་ལྟ་བུའི་བཀོད་པ་རྣམས་ཡིན། བརྡ་ལེན་རྩ་ཕྲན་རྣམས་ཀྱིས་དབང་རྩ་ཕྲ་གཟུགས་གཞན་དག་ལས་ཚུར་བརྡ་ལེན་པ་དེ་དག་ཕྲ་ཕུང་ལུས་ལ་གཏོང་བར་བྱེད། བརྡ་སྐྱེལ་རྩ་ཕྲན། འདི་ནི་ཕྲ་ཕུང་ལུས་ནས་ཕྱི་ལ་རྐྱོང་བའི་ཕྲ་ཞིང་རིང་བའི་ཕྱི་སྣེ་ཞིག་ཡིན། བརྡ་སྐྱེལ་རྩ་ཕྲན་གྱིས་ཕྲ་ཕུང་ལུས་ནས་བརྡ་འཕྲིན་རྣམས་དབང་རྩ་ཕྲ་གཟུགས་གཞན་པ་རྣམས་དང་། ཤ་གནད་དག་གམ་ཡང་ན་རྨེན་བུ་རྣམས་ལ་གཏོང་བར་བྱེད། བརྡ་སྐྱེལ་རྩ་ཕྲན་གྱི་མཇུག་སྣེ། བརྡ་སྐྱེལ་རྩ་ཕྲན་གྱི་མཐའི་སྣེ་མོ་ནི་བརྡ་སྐྱེལ་རྩ་ཕྲན་གྱི་མཇུག་སྣེ་ཞེས་པའི་བཀོད་པ་ཆུང་ཆུང་ཞིག་ཡིན། དེས་དབང་རྩ་འཕྲིན་པ་ཞེས་པའི་རྫས་འགྱུར་གྱི་འཕྲིན་པ་རྣམས་གློད་གཏོང་བྱེད།…
